هو أنت بنت قلبي ...؟؟
هو أنت بنت قلبي .. بخاف عليكي خوف
قلبك يا دب بيحبي .. يتهجى في الحروف
ولمـــا يجي جنبي .. وقوله قــول يا حبي
لا يقول ولا يخبي .. بيدوب من الكسوف
أسهرلك اليالي .. ما أشوفش غير عنيكي
ولا يجي شيء في بالي .. إلا اشتياقي ليكي
في عنيكي ضي نجمة .. أسمك ده أحلى كلمة
قلبك ده سي نسمة .. جية في حر صيف
عيني تنام ويسهر قلبي ما بين أيديكي
ويقول ياريتها تأمر ولا يغلى شيء عليكي
مين الي خدني مني .. ومين شغلني عني
قلبك هواه خطفني .. ومعاه بعيش وأشوف
هناك تعليق واحد:
وكنت ليه عايزني أكتب ،، بنت قلبي ؟؟ عمري ما احساسي كان هيبقى حلو قوي كدة .. يا بخت بنت قلبك ..
مش لاقية كلام أقوله بس بجد انا مش بحب اقرى عامية قوي أو لما الكلام بيشدني بس بكمله .. لكن المرة دي فعلا قريت مرة واتنين ... بنت قلبي - صوتها بيرن في ودني من يوم ما سمعتها منك ...
الله يسعد قلبك ..
ويحلي أيامك
إرسال تعليق